®अधिवेशन वृत्तसेवा/उल्हासनगर — आपल्यासाठी जोडीदार निवडताना प्रत्येक जण वेगवेगळ्या पद्धतीने विचार करतो. सुखी वैवाहिक जीवनासाठी तुम्ही अंकशास्त्रानुसार व्यक्तीच्या स्वभाव वैशिष्ट्य समजून मग जोडीदाराची निवड करू शकता. अंकशास्त्रानुसार जन्मतारखेची बेरीज करून मूलांक काढला जातो. या अंकांचा व्यक्तीवर प्रभाव असतो. २ मूलांक असलेली व्यक्ती शांत आणि संयमी असते. त्यांच्यात सहनशीलता हा आणखी एक गुण असतो.
उल्हासनगर : अंकशास्त्र क्षेत्रातील तज्ज्ञांच्या मते, जन्मतारीख 2, 11, 20 किंवा 29 असलेल्या व्यक्तींना मूलांक 2 मानले जाते. अशा व्यक्तींच्या स्वभावात विशेष प्रकारची भावनाशीलता, कलात्मकता आणि सौम्यपणा आढळून येतो, असे एका नवीन अभ्यासात समोर आले आहे.
तज्ज्ञांच्या माहितीनुसार, चंद्र हा मूलांक 2 चा अधिपती ग्रह असल्याने या व्यक्तींमध्ये संवेदनशीलता आणि कल्पनाशक्ती यांचा विलक्षण समतोल दिसतो. समाजात शांतता राखण्याची, लोकांना जोडून ठेवण्याची आणि वाद मिटवण्याची नैसर्गिक क्षमता या लोकांत असते. त्यामुळे ते उत्कृष्ट समन्वयक किंवा ‘डिप्लोमॅट’ म्हणून ओळखले जातात.
भावनिकदृष्ट्या नाजूक असल्यामुळे या व्यक्तींच्या मनातील चढ-उतार चंद्राप्रमाणे वेगाने बदलू शकतात. तरीसुद्धा, नात्यांबद्दलची निष्ठा आणि विश्वासार्हता ही त्यांची सर्वात मोठी ताकद मानली जाते. कुटुंब, मैत्री आणि प्रेमसंबंध यांमध्ये हे लोक अत्यंत समर्पित असतात.
तज्ज्ञांच्या म्हणण्यानुसार, पत्रकार, संगीत, लेखन, डिझाइन, समुपदेशन आणि सामाजिक क्षेत्र ही काही क्षेत्रे मूलांक 2 व्यक्तींसाठी विशेष उपयुक्त मानली जातात. त्यांची कल्पकता आणि शांत स्वभाव यामुळे या क्षेत्रांमध्ये मोठे यश मिळण्याची शक्यता अधिक असते. अंकशास्त्रज्ञांनी सांगितले की, “मूलांक 2 लोक सोशिक, संयमी आणि मनाने अतिशय उदार असतात. हे लोक समाजात सौम्यता आणि सर्जनशीलतेचा सुंदर संदेश देतात.
